Entre o 9 y o 11 de chulio de 2014 se ferá en a
Unibersidá de Zaragoza a primera edizión d'o curso “Chestionar a dibersidá
lingüistica d'Aragón”, promobido por o Departamento de Psicolochía y
Soziolochía.
Módulo de soziolingüistica
Módulo de nuebas teunolochías y comunicazión
Módulo sobre a situazión d'as luengas y as suyas bariedaz
Entre os partizipans bi ha cuantos imbestigadors que
lideran o campo, como o profesor Javier Giralt sobre os documentos istoricos en
catalán en os documentos istoricos en a Franja, Ramon Sistac y José Antonio
Saura sobre as bariedaz de transizión entre catalán y aragonés, Dominique
Blanco sobre l'ozitano, Natxo Sorolla sobre os datos demolingüísticos d'o
catalán y de l'aragonés, Carles Terès y Ruben Ramos sobre o espazio mediatico
d'istas luengas, un taller de nuebas teunolochías por J. P. Martínez y S.
Paricio, y unatro sobre o Fichero Audiobisual Aragonés por Fernando Romanos,
con a clausura de Chabier Gimeno sobre as luengas y as identidaz en Aragón
dende as zienzias sozials.
O curso ye dirichiu a cualsiquier presona intresada en o
estudeo d'as relazions entre luenga y soziedá en Aragón y, en espezial, ta
alumnalla unibersitaria (dos creditos), profesorado de secundaria y primaria
que trate istas materias u se trobe immerso en arias de contauto de luengas y, profes,
imbestigadors que treballen en iste ambito.
A preinscrizión s'ha de formalizar a trabiés d'o siguien
enristre: Chestionar a dibersidá lingüistica d'Aragón
Ta más informazión, descarga o díptico d'o curso.
No hay comentarios:
Publicar un comentario