Ligallo de Fablans de Zaragoza contina con o ziclo de charradas de personaches ilustres que han pasato u continan en ista asoziazión cultural.
Dimpués de o mosico Roberto Serrano y l’editor Chusé Raul Usón, que han feito de l’aragonés parti de o suyo treballo, pasan por o Matadero os Zerrigüeltaires.
Ista parella ha feito de l’aragonés una escusa ta marchar por tot Aragón dende 1982 con dos intinzions esclateras: por un costato, esfruitar de o territorio y por l’atro, replegar bocabularios y grabazions d’informantes.
Migalánchel Martín Pardos y Miguel Ángel Pérez Gil nos ilustrarán con fotos y decumentos sonoros d’istas trenta añadas de gambadetas.
L’auto se zelebrará iste biernes 31 de mayo en o Zentro Zebico Salvador Allende (matadero) ,c/ Florentino Ballesteros á las 19 oras.
Más informazión,
Chan Baos,
Presidén de Fablans Zaragoza.
692 637 391
-------------------------------------------------------------
AS NABATAS DE ROS ZERRIGÜELTAIRES
Os Zerrigüeltaires son dos amius aragoneses que, enzertando con os orichens d´o Ligallo de Fablans -de ro qu´estioron fundadors- escomenzoron una ampla singladura por a chiografía aragonesa, qu´encara contina en l´autualidá. Lo común intrés por luenga, costumbres, lucars e paisaches -montañeses más que más- lis menó á prebar de replegar contrimuestras u exemplos d´a fabla tradizional, toponimos, motadas, pasatas, ezetra. -en grabazions y anotazions- de ras localidaz que besitaban, en primeras sólo que pirinencas y más adebán por a resta d´Aragón. Magueras que os metodos de replega no yeran puntosamén academicos, en consiguiban d´ir publicando en "Orache" -a nobenzana rebiesta d´o Ligallo-, beluns d´os rechistros más intresans.
Entremistanto y en os años siguiens, iban replegando tamién os bocables y esprisions populars aragonesas que, cutianamén u allá que t´allá -y en aparixión más y más tasada- ascuitaban en os suyos redols famillars; pos cuentra más enamplaban lurs conoximiens lingüisticos, más conzenzia i preneban de l´aragonesismo d´os respetibes charrars famillars, de ro Zentro y Sur d´Aragón.
A l´arreyo de todas istas añadas, y con trayeutorias presonals bien diferiens en muitas custions, han manteniu l´amistanza y fidelidá á ras propias tradizions d´éls; asinas, en han consiguito de fer lo menos una escorsa á l´año y se´n son complementaus tamién en a faina d´espardir as autibidaz suyas biacheras y lingüisticas en un blog.
Magueras reconoxer as suyas amuganzias, en son gollardons de l'amistanza y os umils logros suyos mientres tó iste tiampo, y lis fereba goyo de poder completar toda ista trayeutoria en as proxemas añatas.
No hay comentarios:
Publicar un comentario