Buen dia a toz e totas,
bon dia a tothom
Bienvenitos y bienvenitas a ista nueva edición d’os Homenaches Arredol,
muitas gracias por venir-ie. Soi Lizer Fleta Esteban, o president d’o Ligallo de Fablans.
Aspero que tos cuaque iste acto que imos a fer e pasemos
una bonica tardada.
En ista gala organizata por o Ligallo
de Fablans de l’aragonés y a Fundación Aragonum.
O Ligallo ye una d’as prencipals e más reconoixitas asociacions d’o mundo
d’a luenga aragonesa, con más de
cuaranta años. Estando por tanto, tamién una d’as más lonchevas. Tot isto ye gracias a muitisma chent que
ha treballato d’una traza altruista por fer que o Ligallo de Fablans
en tota la suya historia
haiga publicato cuentos, libros e discos de mosica, haiga ensiñato a luenga aragonesa
e haiga amostrato a tronca de nadal, amás de
fer festivals de mosica e de cultura,
chunto a atras muitismas actividaz
más que han aduyato a la luenga, a la chent y a
Aragón, ta que iste seiga un mundo más polido, feliz y goyoso. Por ixo queremos tornar a fer istos premios, ta
reconoixer a tota la chent que ha treballato por l’aragonés en totas istas añadas,
tanto dentro d’o ligallo como en atras asociacions o institucions.
L’aragonés en as zageras decadas ha estato emparato nomás que por
asociacions e por fablans que han
quiesto mantenir-la viva. Talment se haigan feito errors, pero con capacidat d’autocritica e ganas d’aprender
hemos brincato ixas errors y agora dende o Ligallo
podemos mirar ent’o futuro con ambición, queremos fer más cosas e escribir un futuro guallardo ta l’aragonés. Pero ta
isto cal o treballo de toz, as asociacions amenistan socios activos que puedan devantar-la y reivindicar a luenga,
l’asocacionismo ye en crisis dende fa bels años, no deixemos
que l’asociacionismo caiga,
devantemos-lo.
Huei más que nunca cal fer iste treballo, vivimos tiempos escuros en
Aragón, con un Gubierno negacionista
d’as luengas propias d’Aragón: l’aragonés e o catalán. Iste Gubierno quiere acabar con as nuestras luengas e
tot rastro de pluralidat que no seiga o españolismo más rancio. Ye por ixo que a labor d’as asociacions ye esencial,
que treballemos toz a ixena por a
luenga e por a cultura. Faigamos entre toz que a escureldat e a irracionalidat
no puedan fer iste un mundo
pior e más fosco, do seigamos toz como els quieren que seigamos. Por ixo achuntemonos, aduyemonos e faigamos a ixena lo
que no quieren que faigamos, recuperemos a luenga e fagaimaos d’iste un
sitio con luz e diversidat. No caigamos
en luitas vuedas, que fan más mal que bien, perdonemos e reblemos cuan calga, toz semos en a mesma trinchera e debant
tenemos a chent que no dudara en aproveitar a
nuestra división ta destruyir-nos y acotolar l’aragonés, no les ne premitamos.
Muitas gracias. Moltes gracies.
Lizer Fleta Esteban, President d'o Ligallo de Fablans de l'Aragonés
No hay comentarios:
Publicar un comentario