Universidat Popular de Zaragoza habrá de ufrir en trazas os cursos d’aragonés en febrero.

Dimpués d’a inclusión, quasi a escuchetes, d’a ufierta de cursos d’aragonés en a matricla de septiembre’16 de Univ. Popular de Zaragoza, isolada en a zaguera pachina.
Dende Esfendemos as Luengas veyemos imprescindible que se torne a publicitar ista ufierta, en a reapertura d’as matriclas en o curso’17. Una ufierta que habría d’estar vistera, atractiva y con posibilidat d’impartir-se en as mesmas condicions que a resta de clases d’idiomas: horarios, centros culturals,…
No entendemos cómo as linias politicas que dirichen a Universidat Popular, dende a concellería d’Educación de Zaragoza, continan limpio adoctrinar en una realidat sesgada d’Aragón. An que nomás bi ha posibilidat d’aprender luengas foranas como anglés, francés u alemán (quan no aspectos d’o castellano de mica relevancia), y que antimás ista realidat ye empentada a traviés d’as suyas actividatz socials: trobada de villancicos de Nadal, obras de teyatro, cine, lecturas, exposicions…
Ye evident que a l’aragonés le cal campanyas de información y promoción, pa revertir sieglos de minorización. A promoción prencipia en cada rincón, en cada chicot cenyo. Manimenos, ye claro que politicas como as d’Educación d’o Concello de Zaragoza y a Universidat Popular de Zaragoza fan mica favor a ista reversión.

Fuente: esfendemosasluengas.wordpress.com

No hay comentarios:

Publicar un comentario