O martes benién torna á zilebrar-se en Zaragoza a fiesta d'a Zincomarzada, chornada festiba y
reibindicatiba, que conmemora o falliu ataque carlista acayeziu en a ziudá en 1838.
Ista begada se ferá en o bico d'o Rabal, en l'arbolera,
dentre os puens de Santiago y de Piedra, baxo o lema "Esfendamos o
publico". Astí meteremos puesto (barras con bebidas y entrepans y
botiga) Ligallo de
Fablans de conchunta con as asoziazions Nogará-Religada, Rebellar y o
Danze de San Chusé.
Te combidamos á que mos besites y sías con
nusatros un ratet de
charrada... tamién yes combidau/ada á aduyar-mos en a barra igual de
maitins que de tardis o tiempo que puedas, que mos ferá buena onra.
Dende primer ora, amenistaremos colaborazión ta montar as barras, parar
os entrepans, serbir en a barra...
Ta chentar, os amigos de
Rebellar ferán un rancho que podremos tastar con un baso de bino á un
pre de 5 €. Tos alchunto plano de situgazión y un listau d'autibidaz
programadas ta ixe día. As linias d'autobús que tos dixarán más amanaus
son a 35, a 36 y a 50, u bien o trambía dica las murallas romanas.
Tos i asperamos!!!
Chuanchu Pérez,
cordinador d'animazión y autibidaz
No hay comentarios:
Publicar un comentario