Por án ba o trambía? Por a bía.
No ha plebito tanto de cuan unas bías cruzaban as carreras prenzipals de Zaragoza. Os zeclistas que se clababan entre os riels gosaban clabar-sen firmes lapos.
As trazas de fer as cosas cambeón en o planeta y a enerchía se tornó barata. Por ixo dixemos d’ir en bizi, empezipiemos a costruyir casas sin de aislamiento termico, pero con firme calefazión, a marchar á bibir y treballar más luen, á mercar produtos fabricatos asabelo d`án y á desplazar-nos con beiclos menos u miaja efiziens.
Pero iste planeta se chira arredol suya y as cosas tamién ne tornan. Sin fer un analís furo de por qué marchó ni por qué i torna, Fablans Zaragoza t’embita á fer o primer biache en trambía.
Anque nos pondremos en o esturraz una mica más tardi, cal estar á las 17:30 como un reloch. Astí empezipiará la charradeta una azafata.Prebaremos de fer una traduzión á la bez si as condizions de chen y roido son faborables, pero no podemos asegurar-lo.
En o tiempo de puyar podremos ficar a nuestra tarcheta d’autobús cutiana ta que nos marque, pero no pasez pena, que o biache contará como un trasbordo y no tos cobrarán.
Nos clabaremos un biache completo pero no feremos besita ta las cocheras como mete en o cartel. No s’amenista calzero espezial ni lebar brenda. Ta o biache no s’amenista batiauguas anque pleba.
Alto u baxo seremos como una ora, tornando ta la mesma parada.
Ligallo de Fablans de Zaragoza, dende a Colla d’Animazión y Autibidaz, preba d’arroclar á sozios y amigos con desincusas pinchas an que se pueda emplegar l’aragonés ta o desembolique de as mesmas.
Ta ista gambadeta as azafatas han colaborato en tot que han puesto fer, prebando que seigamos bien acomodatos, tanto antis, parando l’autibidá, como en o diya de o biache. O nuestro agradeximiento ta ellas.
No ha plebito tanto de cuan unas bías cruzaban as carreras prenzipals de Zaragoza. Os zeclistas que se clababan entre os riels gosaban clabar-sen firmes lapos.
As trazas de fer as cosas cambeón en o planeta y a enerchía se tornó barata. Por ixo dixemos d’ir en bizi, empezipiemos a costruyir casas sin de aislamiento termico, pero con firme calefazión, a marchar á bibir y treballar más luen, á mercar produtos fabricatos asabelo d`án y á desplazar-nos con beiclos menos u miaja efiziens.
Pero iste planeta se chira arredol suya y as cosas tamién ne tornan. Sin fer un analís furo de por qué marchó ni por qué i torna, Fablans Zaragoza t’embita á fer o primer biache en trambía.
![](https://blogger.googleusercontent.com/img/b/R29vZ2xl/AVvXsEhCs8IPltjOrVFqw0bv_oO3RP5L-o2A0laWQK7i_vUAhx1jnKZXqOVyvp1i7_SHXAKj7KDy0xBhpc0AdHJVVim5kaRXU2cFdO79UQ9etzi46_5dQPhh6n7sVFIlAOO0aKgQse5kQXMCk5g7/s320/Gambadeta+trambia.jpg)
En o tiempo de puyar podremos ficar a nuestra tarcheta d’autobús cutiana ta que nos marque, pero no pasez pena, que o biache contará como un trasbordo y no tos cobrarán.
Nos clabaremos un biache completo pero no feremos besita ta las cocheras como mete en o cartel. No s’amenista calzero espezial ni lebar brenda. Ta o biache no s’amenista batiauguas anque pleba.
Alto u baxo seremos como una ora, tornando ta la mesma parada.
Ligallo de Fablans de Zaragoza, dende a Colla d’Animazión y Autibidaz, preba d’arroclar á sozios y amigos con desincusas pinchas an que se pueda emplegar l’aragonés ta o desembolique de as mesmas.
Ta ista gambadeta as azafatas han colaborato en tot que han puesto fer, prebando que seigamos bien acomodatos, tanto antis, parando l’autibidá, como en o diya de o biache. O nuestro agradeximiento ta ellas.
Sonia Gutierrez
Coordinadora d'a Colla d’Animazión y Autibidaz de L.F. de Zaragoza.
No hay comentarios:
Publicar un comentario