GAMBADETA "SAPUTA" CON ROBERTO SERRANO

O domingo 15 será un día que remeraremos quienes podamos esfruitar de a compañía de Roberto Serrano dende Almudébar dica o monesterio de o Pueyo, á man de Balbastro.

Ligallo de Fablans de Zaragoza, organiza una ruta toristica de a man de la Orquestina de Fabirol http://fabirol.com/pedrosaputo/ , que coinzidindo con a edizión de o treballo Pedro Saputo, nos amuestra barios puestos en que o personache bibió as suyas abenturas https://goo.gl/maps/kpWJ0.

Saldremos de Zaragoza á las 8 de o maitino zerqueta de a Puerta o Carmen y tornaremos arredol de as 20.

Encara quedan plazas en l'autobús, que bale 20€ y tamién puedes amanar-te-ie en auto (10€ ta las besitas y charradas) si no te casa alcompañar-nos en o trasporte coleutibo.

Se podrá chentar de plato en un camping, pero preferimos chentar d'alforcha. En o café, aprobeitaremos ta entregar os diplomas á os alunnos de o curso d'Aragonés de Fablans Zaragoza.

Sortearemos reliquias de chambretas conmemoratibas de as trenta añadas de Fablans.

Inscrizions en 692 637 391 u en fablanszaragoza@gmail.com.

Chan Baos,

Presidén de Fablans Zaragoza