O benién martes, díya 3 d'abiento, se presenta en Uesca o nuevo libro de Francho Nagore “Lingüística diatopica de l’Alto Aragón”. Un treballo de más de 400 planas que estudia l'aragonés de tot o dominio lingüistico fendo un repaso prou completo d’as diferens baredaz dialeutals de l’aragonés con as suyas carauteristicas más importans, tanto en aspeutos foneticos como morfolochicos u lesicos, e o refirme de testos feitos por fablans patrimonials en diferens añadas. Tamién tien arredol de 60 mapas que mos amuestran os puestos d’as diferens formas lesicas, asinas como una ampla bibliografía de estudios e treballos en as diferens bariedaz.
"Lingüistica diatopica de l'Alto Aragón" ye publicato por o Consello d'a Fabla Aragonesa, con a colaborazión d’o Instituto de Estudios Altoaragoneses e d’o Grupo de Investigación Emergente de Filología Aragonesa, aintro d’a colezión "A tefla de cuatro fuellas".
A presentazión se ferá a las güeito d'a tardada en a Sala de Chuntas d'a Facultad de Ciencias Humanas y de la Educación, en a carrera Don Valentín Carderera, 4, Uesca.
No hay comentarios:
Publicar un comentario