Marcha octubre con o suyo Pilar y nos caye denzima noviembre con totz os suyos santos, pero lo fa con tanta mala folla que o primer chueves que nos deixa ye fiesta.Precisament ixa, fiesta de totz os santos que fablan aragonés, a d'os atros no. Que se floran y que n'aprendan! O caso ye que yera pensando yo en santos aragoneses a os que poder rezar ixe día y demandar-lis perdón d'os nuestros pecaus (que en tenemos a boticiegas y estoi que cal un buen amiro de santos, biatos, anchels, arcanchels y serafins ta escoscar a nuestra alma, que con quatre botellas de leixiva no se'n saldrían) y me'n salen qualcuns, a saber:
San Drichuela, que ye un santo que en que t'escudias te suca a sangre
San Turrón, que ye un santo que viene cada Nadal dende Xixona u dende Alacant
San Luc, que ye un santo que tiene espasmos diafragmaticos
San Gría, que ye un santo bella miqueta pifolo
San Selo, que ye un santo bella miqueta fato
De seguras que bi'n ha mes, asinas que ya podetz ir mirando-vos o San Toral(que ye un santo que pareix estar que li agradan as vacas) a mirar si en trobatz belatro. Si en trobatz nos lo contatz.
Entremistanto, fetz-vos ideya que a nuestra rufierta, iste mes de noviembre (y sin que sirva de precedent) será o segundo chueves de mes, ye decir, o chueves 8 de noviembre, en o bar que ya ye costumbre, Bar Somport, que ye en a carrera García Sanchez, 34, y a la hora que ya conoixetz y que si no ye asinas ya vos ne foi memoria, de 19:30 dica las 21:00, tamién alto u baixo, como siempre. Ya vos podetz suposar que la treslademos ta no fer-lis a tana a totz aquells que gosan marchar de Zaragoza malas que alufran una fiesta, un puent u, encara que siga, os vente menutos ta l'almuerzo en o treballo.
Salut y no i manquetz.
Ta saper-ne mas puncha aqui: RUFIERTA ARAGONESA N´A TABIERNA D´O BICO
Fuente: www.facebook.com de Chesús L. D.
Fuente: www.facebook.com de Chesús L. D.
No hay comentarios:
Publicar un comentario