FUNDACIÓN ARAGONUM Y LIGALLO DE FABLANS DE L' ARAGONÉS EN ESFENSA DE L'ARAGONÉS Y D'O CATALÁN D'ARAGÓN

Ayere, 15 de febrero de 2024, en as Corz d'Aragón, Fundación Aragonum y Ligallo de Fablans de l' Aragonés acudioron, chunto a atras asociacions y entidaz, a refirmar a CHA en a suya propuesta sobre a esfensa d'as nuestras luengas. Bi estioron Liena Palacios (Aragonum) y Sara Ramírez (Fablans). A Proposición no de Lei de CHA en as Corz d'Aragón instaba a lo Gubierno d'Aragón a mantener a redacción actual de l'articlo 4 d'a Lei 3/1999 de Patrimonio Cultural Aragonés, ya que o Gubierno d'Aragón (PP-VOX) ha amostrau publicamént que quiere acotolar a reconoixedura expresa de l'aragonés y catalán d'Aragón, replegau en a lei mencionada. A Proposición no de Lei no salió enta debant por os votos en cuentra de PP, VOX y PAR.