Trobada d´agüerro. Viviendo en aragonés.

Hola, dende a Colla Nabarra de fablans tos nimbiamos a informazión que imos parando con a enchachia d’a trobada d’agüerro . Amoniqué, amoniqué ( O coxín coxiando seguntes se’n quiera viyer) somos rematando de farchar as autibidades que proposamos  cara ta amillorar a luenga combibindo de raso 3 días n’aragonés.

Istas trobadas, anchas bataleras a toda la parentalla de l’aragonés , miran de fer-se con o buen calitre  d’achuntar-nos más que más a charrar, fendo-ie pachas sin garra estorbo por grafías o atros afers que creyemos no caldría que esbarrasen guaire.

Nos agana asabelo convidar-tos pa que de conchunta aluciemos, firme mallar, en o fredo fierro de l’aragonés en uns diás an que treballar y fer-nos contentos compartindo, aprendendo , enseñando..,más que no creyemos.

Como ya tos ba dicir quedaz convidaus a menar un d’os corrinches de literatura n’aragonés  que feremos o sabado de tardis y tamién acudir-ie a la feria d’o libro puyando-ne o Domingo de maitins en Echo.

Iste ye , si fa u no fa, o programa... encara que bien puestar que cualque d’istos actos no i cullan o trepuzen con bel contorniello y que a la fín bi aiga que dixarlos estar.

Con tot y con ixo me pienso que tos ferá honra.

Si gosaz acucutar-ie nos feremos muit contentos. 

Un abrazo compañers.

TROBADA IV VAL D’ECHO

27 DE NOVIEMBRE VIERNES CIRESA

-18.30 Plegada y aloixo.

-19.30 – 21.00 Clase de Cheso      

- 22.00 Cena (libre)

- 23.00  A Escuchetes (Grabación d’un programa de youtube).

                Faremos a chenta d’o Sabado

             

28     DE NOVIEMBRE SABADO CIRESA

-   9.00 Desayuno
-   9.30- 11.30 Clase d’Aragonés.
-   12.00 – 14.00  Taller d’escritura.
-   14.30   Chenta.
-   17.00 – 20.00 Taller d’escritura II MICRORELATOS escritura de una falordieta por collas de 4- 5 personas pa fer dimpués una chicota publicación con os relatos que faigamos

-   22.00  Cena.

-   23.00 Monologos.

29     DE NOVIEMBRE DOMINGO ECHO

-   9.00 Desayuno.

-   10.00 FERIETA DE LO LIBRO EN ARAGONÉS

-   11.30 CHARRADA – Mesa Redonda LAS EDITORIALS EN ARAGONÉS.

-   13.00 Ronda y Vermut Val d’echo.

-   14.30 Chenta.

Trobada Catrinalla

SABADO

O sábado chuntaremos a totz los críos que quieran participar.

-    De maitines: TALLER DE DISEÑYOS.
-    De tardis: TALLER DE DANCES.

DOMINGO

-  12.30 Cuenta cuentos “L’hombrel’onset” y “Prou prou Luen”.

PRECIO 60 EUROS /PERSONA PENSIÓN COMPLETA

Pa os dandalosos u pa qui quiera apuntar-se istos son os contautos :

Alifonso.....676 974 869

Anchel.......691 305 169