RUFIERTA ARAGONESA EN A TABIERNA D'O BICO - MARZO'14

Buen dia a totz y a todas

Ya sabretz que fa ums dís se celebró o Día Internacional d'a Luenga Matera, u Luenga Mai, u Luenga Maimaternal, que a beluns d'iste país nuestro bien que se lis bufa la pocha, d'a luenga y mesmo d'a suya mai. O caso ye que a yo, que tiengo bien poquetas cosas que fer y goso estar, per un regular, ociosa, me de per reflexionar sobre ixos días y sobre ixas denominacions.... Y plego a la conclusión de que se deixan muitismas cosas en as boiras (agora tot s'alza en boira), y o día quepleva nos ha de cayer tot dencima.. Aproveitando a empenta, se podría celebrar tamién o día d'a luenga viperina, luenga bifida y luenga de sirpient, que ye o mesmo. O que pasa ye que i habría muita chen que compliría anyos ixe día y no ye guaire operativo. Tamién podríamos celebrar o día d'a luenga i trapo, que veyendo cómo parlan qualcuns d'ixos que cobran d'a politica, bien se mereixen un día, u no? Tamién me s'alcurre o día d'a luenga viva, que de vivos i hai un fascal. Conoixeretz a muitos que se pasan o día sacando-nos a luenga, no? pos hemos de prebar de tirar-lis d'a luenga a mirar si li'n rancamos d'una vegada... A la fin, o que pretenden ye celebrar o Día d'a luenga muerta, y no pensando precisament en o latín, no.

Bueno, pos pa dar-li a la luenga y fablar d'isto y de muitas mes cosas, vos aguardo o Chueves 6 de marzo en o bar Somport (carrera García Sánchez, 34), entre as 19:30 y as 21:00, ta celebrar a nuestra rufierta, ya tant tradicional que bien luego nos asignarán un día en o calendario: o Día d'a Rufierta en a Tabierna d'o Vico... Que no?.  Lo habretz de veyer.

Salut y no i manquetz

Ta saper-ne mas puncha aqui: RUFIERTA ARAGONESA N'A TABIERNA D'O BICO

Fuente: www.facebook.com de Anchels F. C.