Ola chent
Ya que pareix que a barrancada de L'Ebro d'istos zaguers días no nos s'ha levau, que totz semos tot lo bien que se puet estar dimpués de puyar a costera de chinero, que ye difícil de puyar no per atra cosa sino perque semos fartos de mantecaus, lamins, turrons u quemisió qué costodias mes y o cuerpo en ixas condicions ixo de l'exercicio lo leva prou mal, digo yo que podríanos chuntar-nos y pillar un buen cabazo charrando d'o que nos hemos mercau en as tradicionals rebaixas d'emprecipiallos d'anyo. Ya sabetz que qui mes qui menos crompa cosas a-saber-lo d'inutils que asinas como se mercan, s'alzan adintro de l'almario y si qualque vegada t'he visto, ya no me'n alcuerdo, a que sí....? Que si unos pantalons dos tallas mes chicotz tot esperando adelgazar bien luego y mirar si i dentras, que si una bici estatica con a intinción de prencipiar a meter-te en forma ta rematar tu y a tuya bici a on iste país, en garra puesto, o no....?
Bueno, itz fendo o listau d'o que hetz mercau y qui s'haiga feito con a cosa mes inutil se gana una biera de gratis pagada per a resta de contertulios (u conrufiertes, que agora no sé bien cómo decir-lo). Ta ixo, habretz de venir o chueves 6 de febrero, de 19:30 a 21:00, a o bar Somport, que ye en a carrera García Sánchez, 34. Ya sabetz que t'amanar-se-ie només cal que ganas de fablar o de zorruspiar, y si son as dos, millor que millor.
No i manquetz. Vos aguardamos.
Ta saper-ne mas puncha aqui: RUFIERTA ARAGONESA N'A TABIERNA D'O BICO
Fuente: www.facebook.com de Anchels F. C.
No hay comentarios:
Publicar un comentario