O benién chuebes, diya 2 de chinero, se ferá en o lugar de Sandiniés a segunda Charrada Tensina, continazion d’a que se fazió en primerías de nobiembre d’iste año y que aconsiguió achuntar una buena ripa de chen de tota la redolada ta fablar y fer serbir l’aragonés en a Bal de Tena contimostrando que encara ye biba a nuestra luenga en dita Bal.
D’a mesma traza que en a primera, o puesto d’a charrada estará a tabierna “A cochata”, situata en a Plaza Mayor de Sandiniés, a las 18:00 oras.
Como diz Miguel, l’organizador d’istas charradas:
Si acudes nos feremos bel traguet entre que charramos d'o que nos pete en o nuestro idioma: L'ARAGONÉS.
¡Yes combidata! ¡Yes combidato!
Fuente: Facebook de Miguel M.T. y Redazión d'o blog
No hay comentarios:
Publicar un comentario