O cabo de semana benien tendrá puesto, en Sandiniés, a 1ª Charrada Tensina cuyo obchetibo no ye unatro que achuntar fablans patrimonials d'aragonés d'a Bal de Tena, un d'os primers dialeutos en estar estudiau.
S'aspera que i plegue chen de toz os monizipios d'a bal, y en especial dende Tramacastilla, O Pueyo, Sallent, y Pandicosa, puestos an encara se conserba o tensino, anque o suyo uso, lamentablemen, nomás se limita a la chen de más edá.
Miguel y Félix, bezins d'a redolada, asperan que ista sía a primera de muitas quedadas ta charrar y fer uso d'iste dialeuto, cuasi perdiu en a bal, y asinas aconseguir que más chen prene conzienzia d'o suyo emplego ta pribar que quede en l'ixuplido.
Con o tiempo se confía que se sumen a ista quedada de fablans tanto asoziazions culturals como instituzions d'a comarca ta aconseguir una mayor difusión.
Ye d'espezial intrés ta aquels que quieran enriquir-se con as formas propias de l'aragonés patrimonial, ixe que no s'aprende en os libros, ditas en primera presona por fablans d'a bal.
La zita tendrá puesto iste sabado 5 d'otubre a las 19 oras en a tabierna “A Cochata”, situau en a plaza Mayor de Sandiniés.
No i manquez.
No i manquez.
No hay comentarios:
Publicar un comentario