No diratz que no son pasando cosas en o mundo... Si l'agüerro pasau estió calient, iste sembla estar que nos imos a cremar dica as cellas, per no decir cosas mes intimas que no vienen al caso y que no las pienso meter en o chuego perque son o que mes m'estimo d'o mio ser... Amés, que con perder as cellas (y concedo as pestanyas) bi'n ha prou, u no?
Paratz cuenta si no.... o menistro Wert contina terne en no querer ir t'a escuela encara que remanga fato ta cutio, a Lei de Luengas crabutó y encara no li hemos feito o funeral, ni de cuerpo present ni ausent, perque aquí ni Dios da a cara, a oposición pareix estar que contina en o cine mirando-se cintas de sciencia-ficción, Esperanza Aguirre li ficó o dido en o uello a Rajoy y agora no li'n ha sacau, hiere operón de l'anca a o Borbón en una clinica privada, perque como haiga de fer fila en a lista d'espera d'a publica o país vecino se queda sin rei igual que se quedó sin sanidat, Angela Merkel torna a ganar en Alemania y os d'o concurso de Miss Universo encara no saben cómo podió estar...
Bueno, istos son qualques temas d'actualidat, pero de seguras que vusatros en tenetz mes, asinas que si queretz charrar-ne amanatz-tos a la nuestra rufierta d'o venient chueves, 3 d'octubre, en o Bar Somport, que ye en a carrera García Sánchez, 34 de 19:30 a 21:00 y foteremos a tot Cristo a caldo, ya sabetz que ta nusatros no bi ha dengún que siga intocable.. bueno sí... a qui no i vienga lo deixamos feito un pingo, asinas que ya sabetz...
Salut y rufieta
Fuente: www.facebook.com de Anchels F. C.
No hay comentarios:
Publicar un comentario