O benién día chuebes 16 de mayo a las 20:00 se parará en a cafetería d'a Facultá d'Educazión d'a Unibersidá de Zaragoza (Abda. San Chuan Bosco, 7), buena cosa de chuegos y autibidaz culturals arredol d'a luenga aragonesa dentro de l'ebento titolau Tardada por a Luenga Aragonesa.
Se ferá una amostranza de mosica y instrumentos tradizionals aragoneses, se pararán chuegos y autibidaz cultrals enreligadas todas con a luenga aragonesa y se proyeutarán bels bideos curtos arredol d'a suya amostranza. Tamién bi abrá sorteyos y regalos, relazionaus igualmén con l'aragonés, s'esposará mosica moderna en aragonés y se tendrá una autuazión sorpresa.
Con iste auto, se mirará d'informar y conzienziar en o tocán a la situazión d'iste patrimonio cultural propio d'a nuestra Comunidá Autonoma, en feble situazión y a la que le cal promozión y protezión, como reconoxen organismos y documentos legals nazionals y internazionals, tals como a Carta Europeya d'as Luengas Rechionals u Minoritarias, o Consello d'Europa, a UNESCO, a Costituzión Española y o Estatuto d'Autonomía d'Aragón. Con isto se quiere empentar a reflesión sobre o papel d'a comunidá educatiba en cheneral. y d'a nuestra Facultá d'Educazión en particular, ta guaranzar o esdebenidero d'iste patrimonio.
Se conbida a la partizipazión en o ebento a tot qui quiera, y más que más a os miembros d'a comunidá unibersitaria.
Video-anuncio del evento:
Fuente: www.facebook.com/coleutibo.otrango
No hay comentarios:
Publicar un comentario