RUFIERTA ARAGONESA EN A TABIERNA D'O BICO - CHUNIO'13

Quiestos totz y quiestas todas:

Si fetz una uelladeta t'adebant en o tiempo, podretz veyer que o primer chueves de chunio ya ye aquí, como qui diz. Y ye plegau cutio, sin meter rudio y con traidoría, perque mientres nusatros yeranos aqueferaus en sacarnos o frío d'as orellas ell, terne y quedo ha iu amanando-se a monico y quedo entre nusatros.

O que tien de bueno que plegue ya chunio ye que a la fin marchará a cascar-la iste maldau mes de mai que nos ha deixau a fridor ficada en os uesos, chelau o corazón y balbo l'animo, perque mira-te tu que ha bufau a ciercera quan ha quiesto y como ha quiesto, que pareixeba que quan salibas de casa deixabas o tuyo destín en mans del'airera y os pelos a mercé de l'augua que en forma de plevia nos cayeba dende o ciel... Ye platero que hese puesto estar pior, que diría un optimista, si nos hese caito una pedregada encara nos hese turoniau iste chasi nuestro que tanto nos cuesta cudiar ta ir bien atrapaciaus, ateclaus y repolinaus.

Bueno, o que tos deciba, que agora que imos cara ta l'estiu, miratz-vos d'ir tamién cara t'o bar Somport, que ye an que femos a nuestra rufierta de cada mes malas que plega a primer chueves, que ista vegada ye o día 6 d'o VI (quasi o numero de Patetas). Ya sabetz os que gosatz amanar-vos-ie a ormino, y lo digo ta os que no lo sapian, que o Somport ye en a carrera García Sánchez, 34, y que i seremos de 19:30 a 21:00 alto u baixo.

Salut y calorina!!!

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Anchels F. C.