CHARRADA DE CHUSÉ RAUL USÓN

Ligallo de Fablans de Zaragoza contina zelebrando as trenta añadas de a suya creyazión, aora con un ziclo de charradas de miembros y ecsmiembros de Fablans que nos rezentarán qué fan por l’aragonés difuera de Fablans.

Aintro de Fablans perén han habiu personas con basemias arredol de a lengua aragonesa y as trazas d’achuntar a cultura popular con a modernidá de o sieglo XX. L’inte istorico de a creyazión de Ligallo de Fablans de l'Aragonés, dimpués d’establir-se a democrazia y a nesezidá ziudadana de compartir y colaborar en proyeutos sozials aduyó á que muitos sozios con esferens cualidaz artisticas y teunolochicas creyasen binclos con fruitos sobrebuenos.

Sin dembargo, Fablans no aconsiguió arroclar toda la enerchía d’istos chobens, bien porque no bi eba espazio ta más autibidaz u porque as endrezaras profesionals suyas los han enfilau á continar con lo que enzetón astí.

En iste ziclo de charradas, que durará dica chunio, queremos amostrar á la soziedá la balura personal y profesional de buena cosa de sozios que han siu capables de poner á Fablans en a banguardia de lo popular. Ista parti ya la i conoxemos. Aora queremos saper qué han feito los que han pasau u siguen estando en Fablans difuera de o marco asoziatibo en a suya bida pribata u profesional arredol de a lengua y a cultura en aragonés. Ligallers ilustres que han continato con a mesma basemia, pero por cuenta suya.

Dimpués de Roberto Serrano, ahora li toca o turno á Chusé Raul Usón, miembro fundador de Ligallo de Fablans de l'Aragonés y presidén en as primeras añadas. Nos charrará arredol de a suya trayeutoria como escritor y como editor en Xordica

L’auto se zelebrará iste biernes 17 de mayo en o Zentro Zebico Salvador Allende (matadero),c/ Florentino Ballesteros á las 19 oras.

Más información,

Chan Baos,
Presidén de Fablans Zaragoza.
692 637 391

-------------------------------------------------------------

CHUSÉ RAÚL USÓN
(Zaragoza, 1966)

Ha publicato un buen numbro d'obras poeticas: Dezinueu repuis d'una bida dallata (1986), Ixe buxo viello –entre fierros– (1988; 2ª edicion, Xordica, 2008), Luna, arto y poemas de bardo (1989), Fuellas chobenas (1991), Cruzillata (1994) e Candalieto (2006); os dietários As zien claus (1997) –traducito a l'asturiano como Les cien llaves (2004)– e Enruenas (2008), asinas como los relatos Nueis d'agüerro (1986), Trista boira baxa (1989), Benzina (2003) e Navalla, botas, vacas (2008). Ye o traductor de Cullita d'otri (1998), una antologia de poesia contemporánia occidental asinas como d'una ripa d'obras infantils e jovenils. Tamien ye o editor de Dovina, dovinalla (2009), libro pa ninos que replega adivinetas populars en iste idioma, e de La fiesta del árbol (2009), libret qu'escrivió o mayestro belsetan Leonardo Escalona e que ha redescubierto agora. Junto a Xavier Tomás ha escrito lo volumen de caracter etnolingüistico El Carnaval de Torla (Xordica, 2009).

Apresta agora En versos de cobre, una antologia de poesia contemporánia en aragonés.

Articulista, editor, ye miembro d'a Sociedat de Lingüistica Aragonesa e secretário d'a revista filologica De Lingua Aragonensi.

No hay comentarios:

Publicar un comentario