Quiest@s sozi@s,
china chana y cuasi sin parar cuenta, semos ya á metá d'abril y luego plegará o día d'Aragón, con buen orache y muitas ganas de sacar-mos l'ibierno d'enmeyo... Ta zilebrar-lo, toz os que no jopemos d'aquí de puen, tenemos una enchaquia asabelo d'intresán t'achuntar-mos en Utebo, puesto en que mos han combidau os amigos de l'asoziazión Rebellar ta estar-ie.
O benién sabado, día 20, dende as 10 d'o maitín y dica la nuei, en o Parque d'as Fuens d'Utebo, podrez besitar-mos y disfrutar con as autibidaz que i abrá: animazión ta nin@s, leuturas en aragonés, rancho ta chentar, mosica y bailes aragoneses, mercau meyebal... amás de tot ixo, nusatr@s i partiziparemos con chuegos tradizionals y a nuestra botiga.
Tos i asperamos!!!
Chuanchu Pérez,
cordinador d'animazión y autibidaz
Ligallo de Fablans de Zaragoza
No hay comentarios:
Publicar un comentario