SKYPE Y A VOZ D'O SINTETIZADOR ESPEAK EN ARAGONÉS

Nos fa goyo de presentar-tos a nueva versión, esviellada, de Skype en aragonés. Funciona con todas as versions de Skype dica a zaguera, y igual si ya febatz servir a nuestra versión anterior (de fa un anyo) como si no, tos recomendamos de fer servir a nueva, mas completa y correchida.

Trobaretz as instruccions en a ficha de Skype d'o nuestro wiki:

http://wiki.softaragones.org/index.php/Skype.

Como siempre, si trobatz qualsiquier problema, nomás tos cal preguntar-nos por aquí y feremos os posibles ta aduyar-tos.

Y tenemos mas novedatz.........tamién tos presentamos a voz d'o sintetizador eSpeak ta l'aragonés, que se fa servir en atros programas ta chent con dificultatz de visión como NVDA.

http://wiki.softaragones.org/index.php/ESpeak.

Y bien luego, mas novedatz, continatz a l'atisfa!!!

---------------------------------------------

Softaragonés ye una organización sin animo de lucro que mira de fomentar l'emplego de l'aragonés en internet y as nuevas tecnolochías. A suya actividat mas important ye a localización de software, ye decir, a traducción y adaptación de programas informaticos ta que se puedan usar en aragonés, y se pueda emplegar en ellos a luenga aragonesa con total funcionalidat.

Puedes seguir-los en a suya pachina web, en iste wiki, y a traviés d'os retz socials, seguindo-los en twitter u en Facebook.

Ta contactar con ers u si t'aganaría de colaborar, puedes fer-lo a traviés de totz ixos medios, y tamién ninviando un mensache ta softaragones@googlegroups.com.

Fuente: Facebook de Softaragones y http://wiki.softaragones.org