RUFIERTA ARAGONESA N'A TABIERNA D'O BICO - FEBRERO'13

Hola a totz y a todas unatra vegada
 

Veyetz qué facil? D'ista manera sí que fa goi! A la fin un mes sin fiestas que nos faigan rezagar a nuestra rufierta sisquiá un día! Y ye que levabanos una racheta... suerte que plega febreret barrenau (y perdón per a traducción literal, pero si ye barrenau en o país d'astí al canto, muit cuerdo en Aragón no ha d'estar, no) ta salvar as nuestras ganas de fablar, zorruspiar u lo que se tercie, que ta tot da encara que tienga pocos días, ixo sí, dengún de fiesta. O mes sinyalau vendría a estar Sant Valentín, pero ixe no cuenta perque ye un santo que ye encara mes barrenau que o propio mes que lo aculle. Paratz cuenta...Sant Valentín habió d'estar un diacono de Cupido u qualcosa parellana, una mena de representant d'a divinidat amorosa en a Tierra, una parella capaz de fer o millor, pero tamién o pior d'os zancochos, perque si la encierta, bien, pero como no atine... pos ixo, que te quedas floriu/ida y con a parella que t'haiga tocau ta cutio, y ixo en o miilor d'os casos, que bi ha chent que se compromete, no dica que a muerte los separe, sino mesmo ta toda a eternidat, que ya son ganetas, ya.... Bueno, a lo nuestro, que se ma va o tozuelo atra vegada.

Como que o primer chueves de mes 7 de febrero no ye fiesta, quedatz convocaus en o mesmo puesto de siempre, o Bar Somport, que ye en a carrera García Sánchez, 34, a la mesma hora, ye decir, a las 19:30 dica las 21:00, encara que ya sabetz que ixo ye aproximativo, como l'anyo que saldremos d'a crisis.
 

No i manquetz, que lo pasaremos bien.

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.