A dibersidá lingüistica aragonesa, presén en A luenga aragonesa ye estata, por bez primera, presén en a mayor Feria internazional adedicata á ra dibersidá lingüistica, Expolangues, Esposizión d’as luengas e as culturas, que ha zelebrata ra suya 31 Edizión en París entre o 6 e o 9 de febrero, baxo ro patrozinio d’o Parlamento Europeyo.
Expolangues ye una plataforma ta promober o multilingüismo á trabiés
de trobadas, entrecambeos e iniziatibas. O profesor y escritor Chusé Antón Santamaría, miembro de Rolde de Estudios Aragoneses e Consello d’a Fabla Aragonesa, interbino con a ponenzia “Cuarenta añadas d’edizión en aragonés y en catalán d’Aragón”, drento d’a mesa redonda “A racada cultural e as politicas de promozión de luengas minoritarias”,
zentrata en as ferramientas ta protecher e promober a dibersidá
cultural e lingüistica en Europa, con espezial atenzión á luengas como
l’aragonés, euskera, bretón, catalán, corso, gaélico, gallego,
mazedonio, oczitano e sardo.
A mesa (amoderata por Günther Dauwen e compuesta por Manuel Bragado,
presidén de l’Asoziazión d’Editors en gallego, Carles Torner, direutor
d’o Programa sobre Literatura e Cultura catalana, e Chusé Antón
Santamaría por REA) estió organizata por o Centre Maurits Coppieters,
que en o suyo stand disposó de publicazions en aragonés e catalán d’as
editorials Aladrada, Rolde de Estudios Aragoneses, Xordica, Gara
d’Edizions, Prames, Consello d’a Fabla Aragonesa, Sociedat de
Lingüística Aragonesa e Gubierno d’Aragón.
Más informazión:
Chusé Antón Santamaría: 685 408 568
REA: 976 372 250, coordinacion@roldedeestudiosaragoneses.org
Fuente: http://fundaciongaspartorrente.wordpress.com
No hay comentarios:
Publicar un comentario