RUFIERTA ARAGONESA N'A TABIERNA D'O BICO - CHINERO'13

Quiestos amigos y amigas

En primeras felicitar-vos l'anyo nuevo, que encara queremata en tretze, soi segura de que vos ha d'estar propicio y que vos ha de portar toda a suerte que precisatz y que tanto vos mereixetz. Dimpués, deseyar-vos tamién que os Reis Magos vos haigan traito tot ixo que lis hetz demandau y agún mes cosas, que ye tanto como dicir que ya imos salindo d'a crisis en a que nos han ficau totz ixos vividors d'a politica que han usurpau as institucions d'Aragón y d'o vecín estau d'Espanya.... y no fablo mes, que m'embolico.

Bueno, como podetz veyer, a la nuestra colla nos han traito una rufierta nueva, que nos caleba y ya se feba esperar. Asinas que, ta encetar-la y estrenar-la, vos emplazo iste venient chueves, 10 de chinero, dende as 19:30 dica as 21:00 alto u baixo como siempre, en o puesto de costumbre, ye dicir, o bar Somport, que ya sabetz que ye en a carrera García Sánchez, 34. Os que gosatz amanar-vos-ie ya sabetz como se i va y os que no, pos preguntatz, que ye de gratis y a chent aragonesa ye bien amable y vos lo dirán a escape.

No i manquez, que vos aguardamos.

P.E. Si a belún li ha sobrau bella barra de turrón y no en sabe qué fer, que la porte, que allí acotolamos tot o que nos fiquen debant, pipas, olivas, turrón.....

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.