RUFIERTA ARAGONESA N'A TABIERNA D'O BICO - AVIENTO'12

Buen dia a totz y a todas.

Ya veyetz que os meses y as calendatas s'han confabulau cuentra nusatros ta que totz os primers chueves sigan fiesta, pero ixo no habrá a estar una luita perén. A primer conseqüencia ye que han sacau de fiesta l'1 de noviembre ta que no torne a destorbar a nuestra rufierta.....pos agora li habrá de tocar la Constitución, que u bien la cambean de calendata u la sacan como día festivo. No ye que tiengamos cosa cuentra a Constitución Espanyola, que de seguras sirve ta qualcosa, encara que no sabamos bien ta qué, pero ye que a nuestra rufierta ye mes important y no li fa guaire mal a no dengún... u no? Bueno, o caso ye que per culpa d'ixe texto que garra chent ya no respecta, y menos os vividors d'a politica, hemos de cambear a nuestra trobada cutiana y levar-la ta o segundo chueves d'aviento. Asinas que quedatz convocaus ta o chueves 13 d'aviento, en o mesmo puesto de siempre, ye dicir, en o Bar Somport, que ye en a carrera García Sánchez, 34, a la hora que ya ye costumbre de 19:30 dica las 21:00, alto u baixo.

No i manquetz y, si puet estar, portatz-ie una barra de turrón, que li feremos honra y celebraremos o Nadal, a mirar si en bella mida nos desfemos d'os nuestros pecaus, que de seguras que no son pocos.

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.