COORDINADERA ARAGÓN TRILINGÜE, LEUTURA D’O MANIFIESTO Y CONZIERTO EN A PLAZA SAN FELIPE

O benién lunes, 8 d’otubre, aintro d’as fiestas d’o Pilar, dende as 20 oras entadebán, se zelebrará en a Plaza San Felipe un conzierto organizato por a coordinadera “Aragón Trilingüe” aon se leyerá o manifiesto por “l’aragonés y o catalán, luengas d’Aragón” siñau por asabelo d’asoziazions y entidaz, y que esfiende os dreitos d’os fablans de l’aragonés y d’o catalán en Aragón. Dito manifiesto s’ha redatau ta responder a la proposa d’a nueva lai de luengas d’o Gubierno y que de seguras derogará y re-baixará l’autual que ya ye prauticamén de menimos.

A botiga de Fablans será presén en l’auto y a chen podrá mercar-ie os nuestros produtos, espezialmén chambretas y discos.

O conzierto, aon se sentirán as tres luengas d’Aragón contará con:

20.00 h
-La Chaminera (eszenario)

20.20 h
–Chufladors (colla en a carrera)

20.45 h
-Bufacalibos de Biella Nuei (eszenario)

21.10 h
–Chufladors (colla en a carrera)

21.30 h
–Ya babé (eszenario)

21.55 h
–Chufladors (colla en a carrera)

22.15 h
–Pasatrés (eszenario)

22.40 h
–Chufladors (colla en a carrera)

23.00 h
–Zarrakatralla Folk (eszenario)

23.25 h
–Pepín y Chuanón

Por atro costau, á l’atro’l día, martes 9 d’otubre, o programa Pilar Folk mos ufrirá as autuazions d’as collas aragonesas La Ronda de Boltaña y Biella Nuei, chunto con Trivium Klezmer y La Fraternité. Será en a Plaza d’o Pilar dende as 9.30 d’a nuei. Toz y todas os que queraz alcompañar-mos soz combidaus ta pasar un buen rato ascuitando buena mosica. Miraz-tos de trobar o nuestro siñal, que prebaremos de penchar bien altero, ta amanar-tos-ne. 

Chuanchu Pérez Aragüés
Cordinador d´animazion e autibidaz
y
 Antonio Brosed,
Redazión d'o blog