FERIA D'O LIBRO ARAGONÉS EN L’ALMOZARA

Quiest@s amig@s

Ta remate d'as fiestas d'o bico de L'Almozara, l'asoziazión cultural Rebellar ha parau una Feria d'o Libro Aragonés iste domingo 24 de chunio. Se ferá en o parque d'a Cruz Roya, zerqueta d'o río Ebro, entre a "pasarela d'o puncho" y o pabillón-puen de Zaha Hadid.

En o plano s'amuestra a ubicazión d'o parque, en do podrez plegar con os autos de linia 27, 34 y 42, dende l'abenida de L'Almozara y a carrera Puerta Sancho.

A feria será ubierta mientras tot o día, de 10 a 21 oras. I partiziparán 15 librerías, editorials y asoziazions (o Ligallo de Fablans i seremos con a nuestra botiga), y se i ferán presentazions de libros.

Qui quiera, amás, podrá partizipar en una leutura de testos en aragonés que feremos dende as 11 (cadagún puede lebar o testo que li cuaque u le'n daremos un). Dimpués, á las 12, se i ferá a presentazión d'o libro de Chesús Yuste, A gollada d'o bosque.

No tos lo podez perder!

Chuanchu Pérez,

Cordinador d'Animazión y Autibidaz