RUFIERTA ARAGONESA EN A TABIERNA D'O BICO - CHUNIO'12

Buen día, tardi, nueit a totz y a todas

Ye curioso, pero cuantas més rufiertas femos, més ganas de charrar tiengo... E ista v egada no li puedo acumular a l'orache, perque igual fablo con fredo que con a calorina. Asinas me diz a mía muller, que no callo ni debaixo l'augua. Pos que prebe ficando-me aintro d'una pipa plena de biera, a mirar si alavez zarro a boca u no... Bueno, zarrar a boca de tot no, que zorruspiar per o canyo d'o naso ye prou molesto y te fote os pelos como escarpias. O caso ye que o cuerpo humán ye sabio y sabe fer dos cosas de vez (encara que sigas hombre). Agora he aprendiu a foter-me una biera tot devantando un brazo con un dido en alto. No ye un eixercicio d'habelidat especial ni garra cosa digna de fegurar en o libro Guinnes, només quiere decir que entremistanto voi rematando-me-ne una, ya voi demandando-ne unatra a o cambrero. En primerías cuesta, pero malas que li agafas o tranquillo no ye mala cosa, no... Per cierto, que ixe libro Guinnes (que tiene nombre de biera irlandesa) ye o que més m'agrada de totz. Agora, ta rematar a colección habrían de sacar o libro Ambar, o libro Cruzcampo y o libro San Miguel, u no?

Bueno, que a calor me regala o celebro. Cosa més. Que nos viemos o chueves venient, día 7 de chunio, en o mesmo puesto cutiano, o Bar Somport, que ye en a carrera García Sánchez, 34, y a la mesma hora de siempre, alto u baixo, ye dicir, a las 19:30 y dica as 21:00... No i manquetz, que paso lista y meto falta.

Salut

Ta saper-ne mas puncha aqui: RUFIERTA ARAGONESA N´A TABIERNA D´O BICO

Fuente: www.facebook.com de Chesús L. D.

No hay comentarios:

Publicar un comentario