UNIVERSIDAD DE ZARAGOZA: EL ARAGONÉS EN LAS ELECCIONES AL RECTORADO

La A.C. O Trango agradixe o compromís que o candidato a reutor d’a Unibersidat de Zaragoza, Don Manuel López, afirma adoptará con a luenga aragonesa

Mientras o desembolique d’a campaña eleutoral t’as beniéns eleuzions a Reutor d’a Unibersidat de Zaragoza, dende la Asoziazión Cultural O Trango se dezidió de prenzipiar una comunicazión con os candidatos a reutor d’a instituzión con a fin de conoixer aquellas midas que a Unibersidat de Zaragoza lebaría a cabo ta aduyar en o prozeso de normalizazión da luenga aragonesa.

L’Asoziazión Cultural O Trango quiere agradeixer, a trabiés d’o presén mandau de prensa, a respuesta positiba emitida por parti de l’autual reutor y candidato en as beniéns eleuzións Don Manuel López Pérez, dende un primer inte s’ha amostrau disposau a ascuitar as nuestras proposas, afirmando que “he querido recoger vuestra inquietud y así en el apartado 7 (cultura) se indica: <>”.

De bez, nos ha remerau a contribuzión que a Unibersidat de Zaragoza ha feito mientras o suyo mandato t’a normatibización d’a luenga aragonesa, con o rezién creyau Diploma de Espezializazión en Filolochía Aragonesa. Pero a penar de que ista aizión suposa un gran trango t’a dignificazión y estudio d’ista luenga en periglo, creyemos y asinas le’n emos comunicau, que a Unibersidat de Zaragoza, como instituzión neutral y de referenzia cultural, ye un organismo clau que podría ufrir una gran aduya t’a normalizazión y sozializazión d’a luenga aragonesa. Por ixo, dende O Trango se l’ha proposau a creyazión, en a Unibersidat de Zaragoza, de una Ofizina d’a Luenga Aragonesa, parellana a atras ya esistentes como a d’o Meyo Ambién, que treballe por a normalizazión d’a luenga. L’autual reutor ha respondiu: “Pensaré cómo puedo incluir vuestra propuesta, que me gusta”

De bez, ha adibiu una signa conbidada de O Trango en a suya pachina web, an que reflexamos todas istas inquietuz, o cualo ye amostranza d’a buena boluntat de Manuel López enta O Trango y enta a luenga aragonesa.

Por tot isto, dende l’Asoziazión Cultural O Trango queremos reiterar a nuestra agradeixedura t’o candidato Manuel López Pérez, por a suya ubertura y adopzión de compromís con a cultura y a riqueza lingüistica aragonesa, asperando asinas mesmo, que l’atro candidato, José María Gimeno, se prenunzie en o tocán a la luenga aragonesa.

Fuente: www.ellibrepensador.com