COMBOCATORIA CONCHUNTA ZINCOMARZADA-CHORNADA POR L'ARAGONÉS‏

Quiest@s amig@s

Ya semos á la fin de febrero y parixe que a fredor mos albandona, si no definitibamén, sí por agora... Salimos ent'a carrera y continamos con as autibidaz, con a primabera ya cuasi dentre nusatros...

Y a primer autibidá ta o nuebo mes ye a Zincomarzada, que iste año, igual como os zaguers, se zilebrará en o parque d'Orién en o bico d'o Picarral

Astí meteremos puesto (barras con bebidas y entrepans y botiga) Ligallo de Fablans de conchunta con Nogará. Te combidamos á que mos besites y sías con nusatros un ratet de charrada... tamién yes combidau/ada á aduyar-mos n'a barra igual de maitins que de tardis o tiempo que puedas, que mos ferá buena onra.

O benién cabo de semana continaremos as zilebrazions con a Chornada por l'aragonés que organiza a Casa de Chobenalla d'o Zentro Zebico Unibersidá. O biernes 9 de tardis en o mesmo zentro zebico será a botiga de Fablans, y á l'atro'l día, sabado 10, de 11 á 12 d'o maitín se ferán chuegos tradizionals en os Chardins d'a Taifa Saraqusta

Tamién podrez colaborar-ie toz os que queraz, aduyando-mos á parar os diferens chuegos.

Y, ta remate, o mesmo sabado 10, dimpués de chentar (alto u baxo á las 3:30), mos achuntaremos en a siede de Ligallo ta fer-nos un café y chugar un guiñote u lo que se propose prebando de pasar una tardi festiba y de combibenzia. Biene-te-ne!!!

Chuanchu Pérez

Cordinador d'animazión y autibidaz