TROBADA DE LIGALLERS

Quiest@ sozi@

Ye a nuestra delera que toz os sozios de Fablans mos conoxcamos millor y faigamos pacha, prebando que Ligallo no sía nomás que un puesto an que se fan clases d'aragonés y do mos anchuntamos de cabo ta cuan ta fer una asambleya. Creyemos que Ligallo ha d'estar, amás d'ixo, un puesto de trobada, d'alcuentro de toz os que luitamos por l'aragonés y a suya perbibenzia y espardidura, un espazio ta intercambiar opinions, deseyos, esperienzias... y fer-lo, prou que sí, en aragonés.

Por tot o debán dito, queremos fer una clamadura ta que acudaz ta Ligallo o biernes 4 de nobiembre desde as 7 d'a tardi ta fer-nos un "lo que sía", biyer una zinta (DVD en iste caso), charrar de l'orache y d'o que queraz... y tamién ta que mos dez proposas d'autibidaz y ideyas ta tirar entadebán, que de seguras en tendrez un fascal. Si a combocatoria ye un esito (que ixo asperamos) prebaremos de ripitir-la dende allora alto u baxo toz os meses.

Yes combidau u combidada, no i faltes!

Chuanchu Pérez
Colla d'Animazion y Autibidá
Ligallo de Fablans de Zaragoza