“COSETAS D’ADENTRO” EN ZARAGOZA

O corto “Cosetas d’adentro” en aragonés ribagorzano se tornará a emitir en Zaragoza o venient 18 de noviembre. O pase d’a pelicula se ferá en “Casa Lambrote”, carrera Heroísmo, 36, a partir d’as 21.00.

“Cosetas d’adentro” ye, seguntes a suya autora, a historia d’una ilusión que discurre en a posguerra espanyola, en os anyos 50, y que narra a vida que leva, en un lugar d’o Pirineo aragonés, Ramón ( personache que interpreta Joaquín Llena), ficau en un modo de vida limitau pero que no le impide seguir tenendo ilusions y Esperanza, (a qui da vida Andrea Pueyo), que ye una choven naixida en o lugar, pero que a suya estancia en a capital, la fa una choven con mundo y experiencia, de qui enaimora o protagonista.

En o corto han participau un centenar d’actors, entre extras, prencipals y secundarios, y tien como escenario esferents nuclios d’a Ribagorza, como Graus, Puent de Montanyana, Torres d’o Bispe u A Puebla de Fantoba, y ye integrament rodau en l’aragonés ribagorzano d’ixa zona d’o pais.

Fuente: www.arredol.com